Luuk 20:16 - Di Jamiekan Nyuu Testiment

¹⁶ Im a-go kom an kil aaf di tenant dem an tek di faam gi ada piipl.” Wen di piipl dem ier dis, dem se, “Wi uop se dis wi neva apm!”

Luuk 20:16 ပူးပေါင်းရင်းမြစ်များ

Matyu 21:34

Wen di griep dem raip op nou, an a taim fi pik dem, im sen im sorvant dem go a im tenant dem fi kalek wa im fi get fram im faam.

Matyu 21:41

Dem ansa se, “Im a-go kil aaf dem uol wikid de! An tek im faam an rent it tu ada tenant we a-go gi'im wa im fi get wen im griep dem redi.”

Matyu 22:7

Di king beks kyaahn don! So im sen out im suoja dem, an di suoja dem kil aaf di uol mordara dem an bon dong dem toun.

Maak 12:9

Jiizas aks, “So wa unu tingk di uona fi di faam a-go du? Im a-go kom an kil aaf di tenant dem an tek di faam gi ada piipl.

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Luuk 20:15

Dem chuo im outa di gyaadn an kil im.” Jiizas aks di piipl dem se “So wa unu tingk di uona a di gyaadn a-go du tu dem?

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Ruoman 11:1

So den mek mi aks unu sopm, unu tingk se a waahn Gad no waahn im piipl no muor? No sa! Notn no go so! Kaaz mi a wan Izrelait tu, mi a wan a Iebriyam fambili an mi kom fram Benjamin chraib.

Ruoman 11:11

So mek mi aks unu dis: wen di Juu dem did faal dong, unu tingk se dem did jrap so faar dat dem kudn kom bak? Nuo sa, notn no go so! Bot kaaz dem did sin, Gad mek it so dat di piipl dem we a no Juu kuda get siev, an im du dat fi mek di Izrel piipl dem jelos.

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

Ruoman 3:6

Nuo sa! Kaaz ef Gad no joj wi, ou im fi go joj di res a di worl?

Ruoman 6:15

Di Laa kyaahn siev wi, so wi no afi fala it. Wi get siev kaaz Gad shuo wi lov iivn duo wi neva dizorv it. So den wa unu tingk dat miin? Unu tingk it miin se wi kyan gwaan liv iina sin? Nuo sa! Notn kyaahn go so!

Ruoman 6:2

Nuo sa, notn kyaahn go so! Wen it kom tu sin, a laik a ded wi ded, sin naa no powa uova wi. So ou wi, wi we sin naa no powa uova, ou wi fi a stil liv iina sin?

Ruoman 7:13

So wa unu tingk mi a se? Unu tingk mi a se di Laa we gud, se a it kaaz mi fi ded? Nuo sa! Notn kyaahn go so! A sin kil mi. An sin shuo wi uu im riili bi wen im tek di Laa, sopm we gud, an yuuz it fi kil mi. So di Laa, it elp wi fi riili si ou torbl sin bi.

Ruoman 7:7

So den wa wi kyan se? Unu tingk wi kyan se di Laa a sin? Unu tingk wi kyan se it rang? Nuo! Notn kyaahn go so! Ef a neva fi di Laa mi wudn iivn nuo wa sin bi! Mi wudn nuo wa it miin fi red yai ef di Laa neva se, “Unu no fi red yai.”

Ruoman 9:14

So den wa unu tingk bout dat? Unu tingk wi kyan se dat Gad no fier? Nuo Sa! Notn kyaahn go so!

1 Korintiyan 6:15

Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!

Gyalieshan 2:17

Nou ef wen taim wi a mek tingz rait wid Gad, som a di Juu dem se wi a sina chuu wi naa fala di Laa — unu tingk dat miin se Krais Jiizas a kaaz wi fi sin? Nuo sa!

Gyalieshan 3:21

Wiet so dat miin se di Laa a go gens Gad Pramis? Nuo sa! Kaaz ef di Laa we Gad gi wi kuda mek wi liv fi eva, den wi wuda a mek tingz rait wid Gad wen wi fala di Laa.

Gyalieshan 6:14

Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.