Luuk 2:37 - Di Jamiekan Nyuu Testiment

³⁷ An shi neva av no ada ozban aal wen shi ieti fuo. Maanin, nuun an nait, shi spen taim iina Gad ous, a faas an a prie.

Luuk 2:37 ပူးပေါင်းရင်းမြစ်များ

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 13:3

So afta dem taim fi kip we fram fuud an prie did don, dem put dem an pan Baanabas an Saal ed, prie fi dem, an sen dem aaf.

Aks 26:7

Yu ana, a da siem pramis ya di twelv chraib a wi piipl dem a luk fi get. A dat mek dem gwaan sorv Gad nait an die. A siek-a wa mi a luk fi get fram Gad mek di Juu dem a se di sitn dem we dem a se gens mi.

Revilieshan 7:15

Siek-a dat “dem tan op infronta Gad chuon nou an a sorv im die an nait iina im ous. An di wan we sidong pan di chuon a-go liv wid dem an protek dem.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Luuk 5:33

Dem tel Jiizas se, “Uol iip a taim, Jan falara dem kip we fram fuud an prie. Di Farisii dem dwi'it tu. Bot fi yu dem a nyam an jringk.”