Luuk 2:34 - Di Jamiekan Nyuu Testiment

³⁴ Simiyan bles dem an tel Mieri se, “Dis ya pikni ya baan fi bring dong jojment an fi bles uol iip a piipl iina Izrel tu. Im a-go bi wan sain fram Gad bot piipl a-go fait gens im.

Luuk 2:34 ပူးပေါင်းရင်းမြစ်များ

Matyu 11:19

Di Man we Gad Pik kom a nyam an a jringk, an dem se, ‘Luk ya, da man ya krievn an im a jongkad. Fi im fren dem a taks kalekta an sina!’ Di piipl we fala di rait wie pruuv se Gad waiz an im wie rait.”

Matyu 12:46

Wen Jiizas did de de a chat tu di kroud a piipl dem, im mada an breda dem kom tan op outsaid a aks fi chat tu im.

Matyu 21:44

Uu jrap pan da stuon ya a-go brok op iina piisiz, an uu it jrap pan a-go mash op bad bad.”

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Luuk 2:35

Siek-a dat, wa dem tingk iina dem aat a-go kom out iina di uopm. Mieri it a-go komiin laik wan suod a go chuu yu aat.”

Jan 3:20

Kaa evribadi we du rang iet lait an dem no waahn fi waak out iina di lait, kaa dem fried se di lait gweehn shuo op di bad sitn dem we dem a du.

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 17:6

Wen dem no fain dem, dem jrag Jiesn an som a di choch breda dem infronta di siti ruula dem a baal out, “Dem piipl ya we mek chobl evriwe, dem kom ya tu,

Aks 24:5

“Wi fain se da man ya a wan wikid wikid chobl-meka we a rail op di Juu dem aal uova di worl, an im a wan ring liida fi wan paati we dem kaal di Nazariin.

Aks 28:22

Bot wi wuda laik fi ier wa yu tingk, kaaz wi nuo se piipl evriwe taak gens da gruup ya we yu bilang tu.”

Aks 4:26

Di king dem pan ort get demself redi fi fait, an di ruula dem jain tugeda fi fait gens Gad an gens fi'im Krais.’

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Ruoman 9:32

Ou kom? Ou kom dem neva fain it? Dem neva fain it kaaz dem di uop se di sitn dem we dem did a du wuda mek Gad put tingz rait wid dem. Dem did a du dat insted-a chos Gad fi siev dem. Dem chrip an faal dong. Dem chrip uova di stuon we de de fi kaaz piipl fi faal dong.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

Iibruu 7:1

Da Melkezidek ya we wi a taak bout, im did a king fi Sielem, an did a di priis fi di Muos Ai Gad tu. A im did miit op Iebriyam an bles im wen Iebriyam did jos a kom baka im yaad afta im go biit aaf di king dem.

Iibruu 7:7

An evribadi don nuo aredi se sumadi we a bles sumadi els, biga dan di wan we a get bles.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.