Kaaz enibadi we andastan di siikrit sopm dem bout Gad kindom, Gad a-go mek dem andastan muo, bot enibadi we no andastan, aal di likl we dem did andastan, Gad a-go tek we dat fram dem.
Lisn gud! Enibadi we andastan wa mi tiich a-go andastan muor; bot di wan dem we no andastan, iivn di sitn dem we dem tingk dem andastan, dem naa go andastan no muor.”
“Kaaz it rait dong iina di buk we niem Saamz se, “‘Mek im ous emti out an nobadi no liv de,’ an, “‘Mek sumadi els tek fi'im plies an du di wok we im shuda du.’
Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.