Luuk 19:17 - Di Jamiekan Nyuu Testiment

¹⁷ “Im maasta se, ‘Yu du gud mi sorvant! Siek-a ou yu anggl wan sumaal sitn, tek chaaj a ten siti.’

Luuk 19:17 ပူးပေါင်းရင်းမြစ်များ

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Luuk 16:10

“Enibadi we yu kyan chos wid likl bit, yu kyan chos dem wid uol iip tu, an enibadi we yu kyaahn chos wid likl bit yu kyaahn chos dem wid uol iip niida.

Luuk 19:16

“Di fos wan kom an se, ‘Sa, mi mek ten muo pan tap a we yu gi mi.’

Luuk 19:18

“Di sekan wan kom an se, ‘Sa, mi mek faiv muo pan tap a we yu gi mi.’

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Ruoman 2:29

Di piipl dem we a riili Juu a di wan dem we Gad tek fi bi im piipl kaaz dem lou di Uoli Spirit fi chienj dem aat, no kaaz dem sorkomsaiz ar nuo di Laa. Dem de piipl de, Gad a-go big op, iivn ef ada piipl naa big dem op.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

1 Piita 1:7

Dem ya chraiyal ya, a fi tes umoch unu chos iina Gad, fi mek shuor se unu riili chos iina im, jos laik ou dem tes guol iina faiya fi mek shuor se di guol riil fi chuu. An di chos we unu chos iina Gad — dat wot muo dan guol, kaa guol kyan mash op. So iivn duo unu a go chuu faiya kaa unu chos iina Gad, unu wi gwaan chos iina im siem wie an paas di tes, so Gad wi priez unu an ana unu wen Jiizas Krais kom bak.

1 Piita 5:4

An wen di Ed Shepad kom bak, unu wi get wan shaini kroun we naa go fied out.