Luuk 18:43 - Di Jamiekan Nyuu Testiment

⁴³ Siem taim im kuda si an im fala baka Jiizas a priez Gad. Afta di piipl si wa apm, dem priez Gad tu.

Luuk 18:43 ပူးပေါင်းရင်းမြစ်များ

Gyalieshan 1:24

An dem priez Gad siek-a wa apm tu mi.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 4:21

Di liida dem chretn Piita an Jan agen, den dem let dem go. Dem kudn mek op dem main ou fi ponish Piita an Jan, kaaz aal a di piipl dem did a gi Gad priez fi wa did apm.

Luuk 13:17

Wen Jiizas se dis, aal a dem we gens im shiem, bot di res a piipl dem did api bout di gud gud sitn dem we im did a du.

Luuk 5:26

Evribadi fraitn bout wa dem si an staat fi priez Gad. Dem se, “Wi si som big mirikl tide.”

Luuk 4:39

So Jiizas tan op an tel di fiiva fi tap, an di fiiva brok. Shi get op siem taim an staat luk aafa dem.

Matyu 21:14

Blain an kripl piipl kom tu Jiizas iina di yaad we Gad ous de, an im get dem beta.

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 9:8

Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

Luuk 19:37

Wen im riich wich paat di ruod staat go dong Mount Aliv, di uol a im falara dem we did a waak baka im did staat fi get api an priez Gad loud loud fi aal a di mirikl dem we dem si.

Luuk 9:43

Evribadi jaa jrap wen dem si di powa we Gad av. Wen dem a luk an a wanda bout wa dem si, Jiizas se tu im speshal falara dem,