Luuk 18:32 - Di Jamiekan Nyuu Testiment

³² Dem a-go tek im gi di piipl we a no Juu. Dem a-go laaf aafa im an tek mi mek preke, shiem im an pit pan im. Dem a-go biit im wikid wikid an kil im.

Luuk 18:32 ပူးပေါင်းရင်းမြစ်များ

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 22:6

Di res a dem uol aan pan im sorvant dem. Dem biit dem op an kil dem aaf.

Matyu 26:67

Den dem pit iina im fies an tomp im op. An som a dem slap im op

Matyu 27:2

Dem tai im op, kyari im go we an an im uova gi Pailat, di govana.

Maak 14:65

Den som a dem staat pit pan im, som tai piis a klaat uova im yai so im kudn si an staat tomp im op wid dem fis an a se tu im se, “Yu se yu a wan prafit, so tel wi uu lik yu.” An di suoja dem we did a gyaad im biit im op tu.

Maak 15:1

Orli iina di maanin afta di ed priis dem, di elda dem, Laa tiicha an di ada Juu liida dem mek dem plan, dem tai op Jiizas an liid im we go ton im uova tu Pailat.

Luuk 18:33

Bot chrii die afta dem kil im, im a-go kom bak alaiv.”

Luuk 23:1

Den di uol a dem get op an tek Jiizas kyari im go a Pailat.

Luuk 23:11

Afta Erad an im suoja dem laaf aafa Jiizas an tek im mek preke, dem jres im op iina wan priti ruob, an sen im go baka Pailat.

Luuk 23:35

Di piipl dem we tan op wan said a wach an di ruula dem did a skaan Jiizas. Dem se, “Im siev ada piipl, mek im siev imself, ef im a riili Krais.”

Jan 18:22

Wen Jiizas se dis ya, wan a di gyaad dem shat im a baks iina im fies. “A so yu taak tu di liida fi di priis dem?” im aks Jiizas.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 18:30

Dem se tu im se, “Ef im a no kriminal, wi wudn kyari im kom tu yu.”

Jan 18:32

(Nou dis ya apm fi mek we Jiizas did taak bout ou im did a-go ded kom chuu.)

Jan 18:35

“It komiin laka se mi a Juu tu yu?” Pailat aks im. “A fi yu uona piipl dem an yu ed priis dem kya yu kom a mi. A we yu du?”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.