Luuk 18:22 - Di Jamiekan Nyuu Testiment

²² Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 18:22 ပူးပေါင်းရင်းမြစ်များ

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Matyu 19:21

So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

Luuk 10:42

bot a onggl wan sitn yu fi bada yuself bout. Mieri mek op ar main fi pik da wan de an nobadi naa go tap ar.”

2 Piita 3:8

Bot fren, unu no figet dis: Wen wi a taak bout Gad — wan dege-dege die komiin laik aal wan touzn ier tu im; an wan touzn ier komiin laik wan suo-so die.

Filipiyan 3:13

Mi breda an sista, mi naa se mi a evriting we Krais Jiizas waahn mi fi bi yet. Bot da wan sitn ya mi a mek shuor a, mi naa luk bak pan di sitn dem we mi ton we fram. Mi a pres aad aad an a luk infronta mi an a riich fi wa a kom.

Luuk 9:23

Den Jiizas se tu aal a dem se: “Ef sumadi waahn fi ton wan a fi mi falara dem, dem afi figet bout wa dem waahn, tek op dem kraas evridie an fala mi.

Luuk 18:21

“Fram mi a likl bwai, mi a fala aal a dem de wid aal a mi aat,” im se.

Luuk 18:23

Wen di man ier dis, im aat jrap, kaaz im did wel rich.