Luuk 16:31 - Di Jamiekan Nyuu Testiment

³¹ “Iebriyam se, ‘Ef dem no lisn Muoziz an di prafit dem, no iivn sumadi fram di ded a-go mek dem chienj dem main.’ ”

Luuk 16:31 ပူးပေါင်းရင်းမြစ်များ

2 Korintiyan 4:3

An iivn ef som piipl kyaahn andastan di Gud Nyuuz we wi priich, a onggl di piipl we no biliiv an we a-go ded, kyaahn andastan it.

2 Korintiyan 5:11

So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Aks 26:28

Agripa se tu Paal se, “So iina no taim yu a chrai ton mi iina sumadi we biliiv iina Jiizas?”

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Luuk 16:30

“ ‘Nuo, faada Iebriyam,’ im se, ‘bot ef sumadi we ded go taak tu dem, dem wi sari fi di rang we dem du an ton tu Gad.’

Luuk 17:1

Jiizas se tu im speshal falara dem se, “Unu aalwiez a-go av sitn we mek piipl du rang, bot chobl fi di wan we mek sumadi els du di rang.

Jan 5:47

Bot sins unu no biliiv wa im rait se, den a ou unu gweehn biliiv wa mi de tel unu?”