Luuk 16:28 - Di Jamiekan Nyuu Testiment

²⁸ beg im waan mi faiv breda dem, so dem no kom dong a da plies ya, we evribadi a sofa.’

Luuk 16:28 ပူးပေါင်းရင်းမြစ်များ

Luuk 16:27

“Di rich man se, ‘Den mi beg yu faada, du, sen Lazaros go a mi faada ous,

Aks 10:42

Jiizas aada wi fi priich tu di piipl an fi mek dem nuo se a im a di wan we Gad pik fi joj piipl we a liv an piipl we ded.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 2:40

Piita yuuz nof ada wod fi waan dem an fi beg di piipl dem se, “Unu fi tek we unuself fram mongks di wikid piipl we a liv iina dem taim ya, so dat di ponishment we a-go kom pan dem no riich unu tu.”

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 20:23

bot di Uoli Spirit waan mi se, iina evri toun we mi go, dem a-go lak mi op iina prizn an mek mi sofa.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”

Aks 26:22

Tu da die ya Gad a elp mi an so mi tan op infronta aal a unu, weda unu impuotant ar no impuotant, fi taak di chuut. Di siem ting wa Muoziz an di prafit dem did se a-go apm, a di siem ting mi a se.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Aks 8:25

Afta Piita an Jan don tel di piipl wa dem nuo bout di Laad, an priich di Gud Nyuuz, dem go baka Jeruusilem. Pan di wie dem priich di Gud Nyuuz iina nof Samaritan dischrik.

Gyalieshan 5:3

An agen mi a tel evribadi we go get sorkomsaiz se dem afi fala di Laa. An no jos som a di Laa bot di uol a di Laa.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

1 Tesaluoniyan 2:11

An unu nuo se wi diil wid evri wan a unu laik ou wan faada chriit im uona pikni dem.

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.