Luuk 16:25 - Di Jamiekan Nyuu Testiment

²⁵ “Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Luuk 16:25 ပူးပေါင်းရင်းမြစ်များ

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Maak 9:45

Ef unu fut mek unu sin, chap it aaf. Kaaz it wuda beta fi unu ef unu kyaahn waak an liv fi eva wid Gad dan fi av tuu fut an get fling dong a el.

Luuk 16:20

Wan bega, niem Lazaros, did de a di rich man giet, an im badi ful op a suor.

Luuk 16:23

An iina el, im did riili a sofa, di rich man luk op an si Iebriyam faar faar, wid Lazaros saida im.

Luuk 16:26

An muor dan dat, wan diip diip chrench de bitwiin wi uova ya-so an unu uova de-so, an nobadi fram non a di said dem kyaahn kraas uova.’

Luuk 6:24

“Bot aal a unu we rich — chobl fi unu, kaaz unu get unu iizi laif aredi.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Ruoman 8:7

So ef sumadi onggl a tingk bout di sitn dem we dem badi waahn, dem ton Gad enimi. Dem ton im enimi kaaz dem naa fala im Laa, an dem naa go kyan fala it niida.

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

1 Tesaluoniyan 3:3

so dem sofarieshan ya kyaahn shiek op non a unu. Kaaz unu siem wan nuo se a dat Gad plan fi wi.

Iibruu 11:25

Im did prefa fi sofa wid Gad piipl dem, dan fi go av fon fi wan likl wail an miks op iina sin.

1 Jan 2:15

No lov di worl ar di sitn dem we iina di worl. Ef nobadi lov di worl, di Faada lov no iina im.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.