Luuk 15:6 - Di Jamiekan Nyuu Testiment

⁶ an go a yu yaad. An wen yu riich yu kaal out yu fren an nieba dem an se, ‘Kom selibriet wid mi, mi fain mi shiip we did laas.’ ”

Luuk 15:6 ပူးပေါင်းရင်းမြစ်များ

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:24

Mi pikni did ded bot im kom bak alaiv. Im did laas bot mi get im bak.’ So dem staat fi daans an praans.

1 Piita 2:25

Kaaz unu did a chrie laik laas shiip, bot nou Gad bring unu bak fi tek kier a unu, jos laik ou di shepad tek kier a im shiip dem. An im bring unu bak fi wach uova unu an fi mek shuor se unu aarait.

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Jan 15:14

Ef unu du wa mi tel unu fi du den mi an unu a fren.

Jan 3:29

Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

1 Piita 2:10

Wan taim unu a neva Gad piipl bot nou unu a fi im uon. Im neehn yuus tu av piti pan unu bot nou im gud an kain tu unu.

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

Filipiyan 4:1

Mi breda an sista, mi lov unu, an mi mis an lang fi si unu so til. Unu mek mi api, an mi kyan riili buos bout unu, kaaz unu komiin laik wan kroun we mi get fi mi aad wok. So mi waahn unu fi tan op chrang iina wa unu biliiv bout di Laad.

Filipiyan 1:4

Evritaim mi prie fi unu, sitn bobl op iina mi aat an mek mi wel api.

Luuk 1:58

Ilizibet nieba an fambili dem ier ou di Laad did gud tu ar an dem glad fi ar.

Luuk 15:5

Wen yu fain it, yu so glad yu put it pan yu shuolda