Luuk 15:29 - Di Jamiekan Nyuu Testiment

²⁹ Bot im se tu im faada se, ‘Aal dem ier ya mi wok laka sliev fi yu an mi du evriting we yu tel mi fi du. Bot aal dem taim de no iivn wan dege-dege yong guot yu no gi mi fi selibriet wid mi fren dem.

Luuk 15:29 ပူးပေါင်းရင်းမြစ်များ

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Ruoman 10:3

Dem neva waahn fi andastan di wie Gad mek tingz rait bitwiin im an piipl, so dem go chrai fain dem uona wie fi mek tingz rait wid Gad; dem neva tek Gad wie fi mek tingz rait bitwiin im an dem.

Ruoman 7:9

Wen mi neva nuo bout di Laa, mi did alaiv. Bot wen mi kom fi nuo wa di Laa se, sin riez op iina mi an mek mi wel waahn fi du di sitn dem mi no fi du,

Luuk 19:21

chuu mi fried a yu, kaaz yu a wan aad man. Yu tek wa yu no put iin an riip wa yu no plaant.’

Luuk 18:9

Jiizas tel dem da tuori ya tu di wan dem we fiil se dem a du rait an a luk dong pan evribadi els:

Luuk 17:10

A siem so, wen unu du evriting we unu sopuoz fi du, unu fi se, “Wi a onggl sorvant, wi no fi ekspek no big op ar notn speshal niida, kaaz wi onggl a du wa wi sopuoz fi du.”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Matyu 20:12

ier dem no, ‘Dem wokman, we kom iin laas, a onggl wan owa dem wok fa an yu pie dem siem laik wi, afta wi du muos a di wok an bon op iina son uol die.’

Ruoman 3:27

So den, wa wi av fi brag an buos bout? Notn at aal! Wa? Unu tingk se wi kyan go buos bout se wi a fala di Laa? Afta Gad no mek tingz rait bitwiin im an piipl kaaz dem a fala di Laa, Gad onggl mek tingz rait bitwiin im an piipl kaaz dem biliiv iina Jiizas.

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.

Luuk 15:28

“Di biga breda did so beks, im wudn go iina di ous. So im faada go out go beg im fi kom iin.

Luuk 15:30

Bot az da pikni de, we wies aal we yu gi im a bai uman, kom uom, yu kil yu bes kyaaf fi'im!’