Luuk 15:28 - Di Jamiekan Nyuu Testiment

²⁸ “Di biga breda did so beks, im wudn go iina di ous. So im faada go out go beg im fi kom iin.

Luuk 15:28 ပူးပေါင်းရင်းမြစ်များ

Luuk 15:2

Bot di Farisii an di Laa tiicha dem staat grombl se, “Da man ya a fren op sina an aal a nyam wid dem.”

Luuk 7:39

Wen di Farisii we invait Jiizas si dis, im se tu imself, “Ef da man ya did a wan prafit, im wuda nuo wa kain-a uman a toch im!”

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Luuk 13:34

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Luuk 5:30

Bot di Farisii an di Laa tiicha dem, komplien tu Jiizas speshal falara dem se, “Wa mek unu a nyam an jringk wid di taks kalekta an rang-duwa dem?”

Matyu 20:11

So wen dem get dem pie, dem staat grombl grombl bout wa di faam uona did du;

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

Ruoman 10:19

So den mek mi aks unu sopm els: Di Izrel piipl dem, a andastan dem neva andastan? Dem did andastan, yes, bot dem neva waahn fi fala wa dem ier. Fos, Muoziz did tel dem we Gad did se. Gad se, “Mi a-go du tingz fi di piipl dem we a no Juu, we a-go kaaz unu fi bad main dem; an unu a-go beks kaaz a wa mi du fi di piipl we unu tingk fuul-fuul.”

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Maak 1:40

Wan fasi-fasi skin man kom tu Jiizas. Im go dong pan im nii an beg Jiizas fi elp im. Im se, “Ef yu waahn fi kyuor mi an mek mi kliin, yu av di powa fi dwi'it.”

Luuk 15:27

Im tel im se ‘No yu breda kom uom an yu faada kil di kyaaf we im did a fatn, kaaz im kom uom sief an soun.’

Luuk 15:29

Bot im se tu im faada se, ‘Aal dem ier ya mi wok laka sliev fi yu an mi du evriting we yu tel mi fi du. Bot aal dem taim de no iivn wan dege-dege yong guot yu no gi mi fi selibriet wid mi fren dem.