Luuk 15:22 - Di Jamiekan Nyuu Testiment

²² “Bot di faada tel im sorvant se, ‘Mikies! Kyari di bes kluoz kom put aan pan im. Put wan ring pan im fingga an shuuz pan im fut.

Luuk 15:22 ပူးပေါင်းရင်းမြစ်များ

Luuk 15:21

“Di pikni se tu im faada se, ‘Dadi, mi du rang gens Gad an mi du yu rang tu. Mi no gud fi bi yu pikni agen.’

Luuk 15:23

Bring di kyaaf we mi a fatn kom kil it. Mek wi nyam, daans an praans.

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

Gyalieshan 3:27

Aal a unu get baptaiz, an so nou unu an Jiizas a wan. An wen unu get baptaiz unu staat fi biyiev an gwaan laik im.

Ifiijan 6:15

Unu wi tan op chrang wen unu put aan di Gud Nyuuz we gi piipl piis iina dem aat siem laik ou unu put aan unu suoja shuuz pan unu fut dem.

Revilieshan 19:8

Gad gi ar kluoz fi wier, we mek outa priti linin we brait an kliin.” (Di priti kliin linin a di rait sitn dem we Gad piipl dem du.)

Revilieshan 2:17

Aal uu av iez fi ier beta lisn gud we di Uoli Spirit a se tu di choch dem. Enibadi we biit di devl an no gi'iin tu di sitn dem we im waahn dem fi du, mi a-go gi dem som a di fuud we niem mana we sumadi did aid. An mi a-go gi dem wan wait stuon tu wid wan nyuu niem rait pan it. Onggl di sumadi we get da stuon de a-go andastan wa rait pan it.’

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.