Luuk 15:10 - Di Jamiekan Nyuu Testiment

¹⁰ Mi a tel yu a siem wie Gad ienjel dem api wen wan sina ton tu Gad.”

Luuk 15:10 ပူးပေါင်းရင်းမြစ်များ

Matyu 10:32

“So den, enibadi we piipl nuo a mi falara, mi wi se dem a fi mi pikni infronta fi mi Faada we iina evn.

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 18:14

A siem so unu Faada we iina evn no waahn dem likl wan ya fi go chrie.

Luuk 12:8

“Mi a tel unu se enibadi we mek piipl nuo se dem a fi mi falara, di Man we Gad Pik wi tel Gad ienjel dem se dem a fi'im.

Luuk 12:9

Bot enibadi we tel ada piipl se dem no nuo mi an ou dem no mi falara, mi a-go du di sed ting tu dem infronta Gad Ienjel dem.

Luuk 13:5

Nuo, mi tel unu! Bot ef unu no sari fi di rang we unu du an chienj unu wiez, unu a-go ded siem wie laka dem.”

Luuk 15:11

Den Jiizas se, “Wan man did av tuu bwai pikni.

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Luuk 15:9

Wen shi fain it, shi kaal out ar fren an nieba dem an se, ‘Mek wi daans an praans, mi fain mi kain.’

Luuk 7:47

So mi a tel yu, shi get paadn fi ar uol iip a sin dem, kaaz shi lov mi nof nof. Piipl we get paadn fi likl bit a sin, onggl av likl bit a lov fi mi.”

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

2 Korintiyan 7:10

Kaaz ef sumadi a sin, an dem sari fi wa dem du laik ou Gad waahn dem fi sari, dem wi ton we fram dem sin an beg Gad fi paadn dem. An wen dem du dat Gad wi siev dem. Nobadi naa go se dem sari se dat apm. Bot ef sumadi a sin an no sari ou Gad waahn dem fi sari, dem a-go gwaan sin an dem naa go get siev. Dem a-go ded.

Failiiman 1:15

Miebi im did gaan we fram yu likl, so dat wen im kom yu wuda tek im bak fi gud.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?