Luuk 14:27 - Di Jamiekan Nyuu Testiment

²⁷ Enibadi we no kyari fi'im kraas an kom wid mi, kyaahn ton wan a mi falara dem.

Luuk 14:27 ပူးပေါင်းရင်းမြစ်များ

Matyu 10:38

An enibadi we no tek op dem uona kraas an fala mi, dem no fit fi bi fi mi falara.

Matyu 13:21

Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Maak 15:21

Wan man niem Saiman we kom fram Sairiin did a komiin fram konchri (im a did Aligzanda an Ruufos faada). Di suoja dem fuos im fi kyari Jiizas kraas.

Luuk 14:28

“Supuoz wan a unu waahn fi bil wan towa. Yu no wi sidong fos an chek out umoch it a-go kaas yu, so yu wi nuo ef yu av inof moni fi bil it.

Jan 19:17

Jiizas kyari im uona kraas go a wan plies dem kaal di Skol Plies (iina di Iibruu langwij, dem kaal it Golgota).

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

2 Timoti 3:12

Az a matarafak, enibadi we se dem a Gad piipl an a fala Gad, afi go chogl chuu nof sitn tu.