Luuk 14:13 - Di Jamiekan Nyuu Testiment

¹³ Wen yu av wan dina, invait puor, kripl, liem an blain piipl

Luuk 14:13 ပူးပေါင်းရင်းမြစ်များ

Luuk 14:21

“Di sorvant kom bak an tel im maasta wa dem se. Den di maasta fi di ous get beks an se, ‘Mikies go outa ruod an kyari di puo, di kripl, di blain an di liem piipl dem kom.’

Iibruu 13:2

An no tap elp chrienja an tek dem iina unu ous, kaaz a so som piipl tek iin ienjel an no iivn nuo.

Matyu 22:10

An di sorvant dem go out wich paat di mien ruod dem de an gyada op evribadi we dem fain: gud piipl, bad piipl — evribadi! Wich paat di wedn dina weehn a kip weehn ful op wid wan bag a piipl wen dem don.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

Taitos 1:8

Insted-a dat, di elda mos uopm op im ous tu piipl, lov du gud sitn an im aat mos kliin. Im mos fier tu evribadi an im mos nuo ou fi kanchuol imself an du we im nuo iina im main rait an no fala wa im badi waahn fi du.

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.

Aks 9:39

So Piita get op siem taim an go wid dem. Wen im kech de, dem kyari im opstiez tu di ruum. Aal a di uman dem uufa ozban did ded tan op saida im a baal an a shuo im aal a di kluoz dem we Daakas yuus tu mek wen shi did alaiv.

Luuk 11:41

Gi tu di puor an du it fram unu aat, an den dat wi shuo se evriwe kliin.

Matyu 15:30

Wan big big kroud a piipl kom tu im. Dem bring piipl we kyaahn waak, we blain, kripl, dom an we sik iina aal saat a ada wie. Dem put dem dong a Jiizas fut, an im mek di wol a dem get beta.

Luuk 14:12

Den Jiizas se tu di sumadi we invait im se, “Wen yu gi wan lonch ar wan dina, no invait yu fren, breda, yu fambili, ar yu rich nieba dem niida kaaz dem mait-a invait yu an pie yu bak.

Luuk 14:14

an den Gad wi bles yu. Dem kyaahn pie yu bak, bot yu wi get pie bak wen aal a di ded dem we du rait kom bak alaiv.”