Luuk 14:11 - Di Jamiekan Nyuu Testiment

¹¹ Evribadi we put demself uova ada piipl, wi get pudong, bot ef yu ombl yuself, yu wi get big op.”

Luuk 14:11 ပူးပေါင်းရင်းမြစ်များ

Matyu 23:12

An enibadi we kom kom a big op demself, dem a-go get sitn fi kwaiyat dem. An di wan dem we ombl demself, a dem Gad a-go big op.

Luuk 1:51

Im tek im an du som powaful sitn; im skyata skyata buosi piipl.

Luuk 1:52

Gad aal dong ruula aafa dem ai chuon an lif op piipl we nobadi neva tingk se mata.

Luuk 14:12

Den Jiizas se tu di sumadi we invait im se, “Wen yu gi wan lonch ar wan dina, no invait yu fren, breda, yu fambili, ar yu rich nieba dem niida kaaz dem mait-a invait yu an pie yu bak.

Luuk 18:14

“Mi a tel unu da man ya, no di Farisii, bot di taks kalekta, im go a im yaad an evriting rait bitwiin im an Gad. Enibadi we put demself uova ada piipl a-go get pudong, an dem we ombl demself, wi get lif op ai.”

Jiemz 1:9

Gad piipl dem we puor mos buos bout ou Gad lif dem op an put dem pan tap.

Jiemz 4:10

So ombl unuself infronta Gad, an du evriting we im se unu fi du an im wi big unu op.

Jiemz 4:6

Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”

1 Piita 5:6

So unu fi ombl unuself anda Gad powaful an, so wen im redi im kyan bles unu.