Luuk 13:33 - Di Jamiekan Nyuu Testiment

³³ Mi afi gwaan we mi a go tide an tumaro an di neks die. Kaaz no prafit kyaahn ded outsaida Jeruusilem!

Luuk 13:33 ပူးပေါင်းရင်းမြစ်များ

Luuk 9:53

di piipl we liv de neva waahn Jiizas kom de kaaz a Jeruusilem im did mek op im main fi go.

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Matyu 20:18

“Luk ya no, wi a go op a Jeruusilem, an dem a-go tek di Man we Gad Pik an ton im uova tu di ed priis an di Laa tiicha dem. Dem a-go joj im an se im gilti an fi ded.

Jan 11:54

Siek-a dat nou, Jiizas kip we fram di Juu piipl dem we kom fram Judiya. Im lef go a wan plies nier di dezot, wan toun niem Iifriem. An im tan de wid im falara dem.

Jan 9:4

Fi az lang az di son a shain, wi mos du di powaful sitn dem we di wan we sen mi waahn wi fi du. Nait a kom wen nobadi kyaahn go du notn.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Jan 11:9

Jiizas ansa dem se, “No twelv owa iina wan die? Sumadi we waak a die no faal dong, kaa im av di son fi mek im si.