Luuk 13:24 - Di Jamiekan Nyuu Testiment

²⁴ “Chrai unu bes fi go chuu di naro duor. Nof sumadi a-go chrai fi go iin bot naa go get iin.

Luuk 13:24 ပူးပေါင်းရင်းမြစ်များ

Matyu 11:12

Fram Jan a priich til nou, wikid piipl a chrai fait gens Gad kindom an powaful piipl chrai fi fuos an tek it uova.

Luuk 13:23

Sumadi aks im se, “Laad, a onggl likl bit a piipl a-go get siev?” Jiizas ansa dem se,

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Jan 7:34

Unu gweehn luk fi mi, bot unu naa go fain mi. An unu kyaahn go kom wich paat mi a-go de.”

Jan 8:21

Den Jiizas se tu dem agen se, “Mi a go we, an unu gweehn luk fi mi, bot unu gweehn ded iina unu sin. Unu kyaahn kom we paat mi a go.”

Ruoman 10:3

Dem neva waahn fi andastan di wie Gad mek tingz rait bitwiin im an piipl, so dem go chrai fain dem uona wie fi mek tingz rait wid Gad; dem neva tek Gad wie fi mek tingz rait bitwiin im an dem.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

2 Piita 1:10

So mi breda an sista, Gad kaal unu fi fala im. An im pik unu fi bi fi im piipl dem. So ef unu waahn dis fi laas unu fi chrai iivn aada fi mek shuor se dat apm. Kaaz ef unu du dis, notn kyaahn kot unu aaf fram Gad.