Jiizas ansa bak, “Mi tel unu dis, an a chuu mi a taak, ef unu jos chos iina Gad likl, an no if-an-bot an wanda-wanda, unu naa go jos du wa mi du tu da fig chrii de, bot aal ef unu se tu da moutn ya, ‘Git op go fling yuself iina di sii, it wi apm.
Kaaz Jan kom shuo unu di rait wie, an unu neehn biliiv im. Bot di taks kalekta dem an seks woka did biliiv. Unu si dis apm, bot unu stil neehn chienj unu main an biliiv im.
Piita yuuz nof ada wod fi waan dem an fi beg di piipl dem se, “Unu fi tek we unuself fram mongks di wikid piipl we a liv iina dem taim ya, so dat di ponishment we a-go kom pan dem no riich unu tu.”