Luuk 12:56 - Di Jamiekan Nyuu Testiment

⁵⁶ “Ipokrit! Unu kyan tel di weda wen unu luk pan wa gwaan roun unu an wen unu luk op iina di skai bot ou kom unu kyaahn andastan wa a gwaan iina dis ya taim ya?

Luuk 12:56 ပူးပေါင်းရင်းမြစ်များ

Matyu 16:3

Bot ef it red an daak op iina di maanin, unu se, ‘Rien a-go faal tide, kaa di plies daak op.’ So unu nuo fi luk pan di skai an tel ou di weda a-go tan. Bot unu kyaahn andastan di sain dem we a shuo aal we a gwaan nou.

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.