Luuk 12:42 - Di Jamiekan Nyuu Testiment

⁴² Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Luuk 12:42 ပူးပေါင်းရင်းမြစ်များ

Matyu 13:52

Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”

Matyu 20:8

“Wen iivnin kom dong nou di faam uona se tu im manija se, ‘Kaal di wokman dem an pie dem. Staat wid di laas set a man dem we mi tek aan, an pie aal a dem dong tu di fos set.’

Luuk 12:43

It a-go gud fi da sorvant de ef im maasta kom fain im a du wa im fi du.

Luuk 7:13

Wen di Laad si ar, im sari fi ar an tel ar se, “Osh! No bada baal!”

Luuk 7:19

an sen dem fi go aks Jiizas, “A yu wi fi a luk fa, ar a sumadi els a-go kom?”

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.

1 Timoti 5:17

Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 3:5

Az wan sorvant we elp an liid Gad piipl dem, Muoziz did aalwiez du wa Gad se im fi du. Im did taak bout di sitn dem we Jiizas wuda se lietaraan.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.