Luuk 12:39 - Di Jamiekan Nyuu Testiment

³⁹ Bot andastan dis! Ef di uona fi di ous did nuo di taim wen di tiif a kom, im wudn mek di tiif brok iina im ous.

Luuk 12:39 ပူးပေါင်းရင်းမြစ်များ

Matyu 24:42

“So mek shuor se unu eva a wach an a luk out, kaa unu no nuo a wich die unu Laad a-go kom bak.

Matyu 6:19

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem.

2 Piita 3:10

Bot jojment die a-go kom wen wi naa ekspek it — jos laik ou tiif kom. Pan da die de, evn a-go disapier — braps — wid wan loud loud naiz. An evriting we mek op di yuunivors, di son, di muun, di staar an aal a dem sitn de a-go bon op, an di ort an evriting we piipl du pan it a-go bon op tu.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.