Luuk 12:31 - Di Jamiekan Nyuu Testiment

³¹ Wa unu fi du a put unu main pan Gad kindom an wa im waahn unu fi du, an unu wi get aal a dem sitn de.

Luuk 12:31 ပူးပေါင်းရင်းမြစ်များ

Matyu 6:33

Muo dan notn els, wa unu fi du, a put unu main pan Gad kindom an du wa im waahn unu fi du; wen unu du dat, aal a dem sitn de, unu wi get dem.

Iibruu 13:5

Unu no fi lov moni. Unu fi satisfai wid wat-eva unu av, kaaz Gad se, “Mi naa go lef unu non at aal. Nuo mi naa lef unu fi fen fi unuself.”

1 Timoti 4:8

Kaaz jos laik ou wi eksasaiz an chrien wi badi so it wi chrang, wi afi eksasaiz an chrien wi aat fi fala Gad. Kaaz wen wi chrien wi aat fi fala Gad wi no jos get chrang bot Gad kaaz wi fi liv nou an fi eva an eva.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

Ruoman 8:31

So den wa wi kyan se bout aal a dis? Ef Gad de wid wi, uu kyan kom gens wi?

Luuk 10:42

bot a onggl wan sitn yu fi bada yuself bout. Mieri mek op ar main fi pik da wan de an nobadi naa go tap ar.”

Luuk 12:30

Di piipl dem we a no Juu ron aafa dem de sitn de. Unu Faada nuo se unu kyaahn du widout dem.