Luuk 12:28 - Di Jamiekan Nyuu Testiment

²⁸ Ef dat a ou Gad jres op wail graas, wa de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wat a likl bit a chos unu put iina Gad!

Luuk 12:28 ပူးပေါင်းရင်းမြစ်များ

Matyu 14:31

Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

1 Piita 1:24

Gad wod se, “Evri man an uman a laik graas, an aal dem gud luks, an di big op we dem get tan laik wail flowaz. Di graas jrai op an di flowaz jrap a grong,

Luuk 8:25

“We unu chos iina mi de?” Jiizas aks dem. Dem so fraitn wen dem si wa Jiizas du, dem aks dem wan aneda, “Tap! a wa kain-a man dis? Im taak tu aal briiz an wiev an dem du wa im tel dem fi du?”

Matyu 17:17

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Matyu 16:8

Jiizas did don nuo wa dem a se, so im se tu dem, “Bwai, wat a likl bit a chos unu put iina mi! Mek unu a taak mongks unu wan aneda bout ou unu naa no bred, iihn?

Matyu 8:26

Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Iibruu 6:7

Kaaz di grong we suok op di rien we faal pan it nof nof, an we mek plaant gruo an bier fuud we di faama kyan nyam — Gad bles da grong de.