Luuk 12:20 - Di Jamiekan Nyuu Testiment

²⁰ “Bot Gad tel im se, ‘Yu fuul! Tinait tinait, yu a-go ded. Uu a-go get wa yu put op fi yuself?’

Luuk 12:20 ပူးပေါင်းရင်းမြစ်များ

1 Timoti 6:7

Kaaz wi no kyari notn kom iina di worl, so wi kyaahn lef wid notn.

Jiemz 4:14

Bot wa unu nuo buot tumaro? Unu no iivn nuo ou unu laif a-go go tumaro. Unu laif komiin jos laik fag. Di fag kom dong fi likl bit, an den az di son kom out so, di fag jos disapier.

1 Tesaluoniyan 5:3

Wen piipl staat fi se wi av piis an evriting sief, braps — a dat de taim tingz a-go ton opsaid dong. Sofarieshan a-go lik dem so faas laik wen pien staat riich di uman we bout fi av biebi. An dem naa go kyan ron we fram it.

Luuk 11:40

Di uol a unu a fuul! No di siem wan we mek di badi mek di aat tu?

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.