Luuk 12:17 - Di Jamiekan Nyuu Testiment

¹⁷ So di rich man se tu imself se, ‘Wa mi fi du? Mi no av no plies fi kip aal a dem sitn ya.’

Luuk 12:17 ပူးပေါင်းရင်းမြစ်များ

Matyu 5:42

Sumadi beg unu sitn, gi dem, an no ton unu bak pan di piipl dem we waahn baro sitn fram unu.

1 Jan 3:16

A so wi kom fi nuo riil lov, kaaz Jiizas ded fi wi an a siem wie wi fi mek op wi main fi ded fi wi breda an wi sista dem.

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

Aks 16:30

Den im tek dem outa duor an aks dem se, “Sa, wa mi afi du fi get siev?”

Luuk 19:17

“Im maasta se, ‘Yu du gud mi sorvant! Siek-a ou yu anggl wan sumaal sitn, tek chaaj a ten siti.’

Luuk 18:22

Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

Luuk 16:3

“Di manija se tu imself, ‘A wa mi fi du nou? Mi maasta a go tek we mi jab. Mi no av di chrent fi dig grong, an mi shiem fi beg.

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Luuk 12:29

No kip aan a fret bout wa unu fi nyam ar jringk; no wori op unuself bout dat.

Luuk 12:22

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.

Luuk 11:41

Gi tu di puor an du it fram unu aat, an den dat wi shuo se evriwe kliin.

Luuk 10:25

Wan Laa tiicha tan op fi tes Jiizas. “Tiicha,” im aks, “Wa mi fi du fi liv fi eva?”

Luuk 3:11

Im se tu dem se, “Ef yu av tuu shot yu fi gi sumadi wan an ef yu av fuud yu fi du di siem ting.”

Matyu 16:7

So dem staat taak bout dis mongks dem wan aneda, “Yu nuo se a kaa wi no bring no bred.”

Luuk 12:16

An Jiizas tel dem da tuori ya: “Wan rich man did av wan faam we bier uol iip a fuud.

Luuk 12:18

“Den im se, ‘Mi nuo wa mi a-go du. Mi a-go tier dong mi stuor ous dem an bil som biga wan, an mi a-go kip mi grien an aal we mi uon iina dem.