Luuk 12:11 - Di Jamiekan Nyuu Testiment

¹¹ “Wen dem kyari unu bifuo di Juu dem choch, di ruula dem an di piipl dem we av uol iip a powa fi aal sen piipl go ded, no fret bout ou unu a-go difen unuself, ar wa unu fi se ar ou unu fi se it,

Luuk 12:11 ပူးပေါင်းရင်းမြစ်များ

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Matyu 6:25

“So mi a tel unu, no bada fret bout unu laif, a wori op unuself bout wa unu a-go iit ar jringk, ar wa unu a-go wier. Kaaz laif no muo impuotant dan fuud, iihn? An di badi no niid muo dan kluoz?

Matyu 6:27

Wich wan a unu kyan liv iivn wan owa langga dan unu fi liv kaa unu wori wori op unuself? Iihn?

Matyu 6:28

“Aal kluoz? Wa mek unu a wori op unuself bout dat? Tingk bout ou di lili dem gruo out iina di fiil. Dem no wok, an dem no mek no kluoz fi wier.

Matyu 6:31

Ier mi man, no wori an fret bout, ‘Wa mi a-go nyam?’ ar ‘A wa mi a-go jringk?’ ar a se, ‘A wa mi a-go wier?’

Matyu 6:34

So no bada wori an fret bout tumaro; tumaro wi tek kier a itself. Aftaraal, tide av fi it uona set a badarieshan.”

Luuk 12:22

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.