Luuk 11:41 - Di Jamiekan Nyuu Testiment

⁴¹ Gi tu di puor an du it fram unu aat, an den dat wi shuo se evriwe kliin.

Luuk 11:41 ပူးပေါင်းရင်းမြစ်များ

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Taitos 1:15

Evriting kliin fi di piipl we aat kliin an uufa main no ful-a sin. Bot notn no kliin fi di wan dem we mek sin ruul dem an we no biliiv. Fi dem aat an main doti.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Aks 10:15

Den di vais se tu Piita di sekan taim se, “No tek notn we Gad mek kliin an se it doti an no gud fi iit.”

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

Luuk 19:8

Zakiyos tan op bifuo evribadi an se tu di Laad, “Luk Laad, aaf a we mi av, mi a-go gi tu di puo, an ef mi rab nobadi, mi wi pie dem bak fuo taim wa mi did tiif.”

Luuk 18:22

Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Matyu 5:42

Sumadi beg unu sitn, gi dem, an no ton unu bak pan di piipl dem we waahn baro sitn fram unu.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

Matyu 26:11

Kaaz unu a-go eva av puo piipl roun unu, bot unu naa go av mi roun ya wid unu fi eva.

Aks 24:17

“Afta mi did kip we fram Jeruusilem fi kopl ier, mi go bak fi kyari som moni fi gi mi uona piipl fi elp di puor an fi bon sakrifais gi Gad.

Maak 7:19

Kaaz wa dem iit no go iina dem aat, it go iina dem tumok an den it go iina di tailit.” (Jiizas se dis fi shuo se aal fuud kliin.)