Luuk 11:36 - Di Jamiekan Nyuu Testiment

³⁶ Ef yu uol badi ful-a lait, an no paat a it no daak, it a-go lait op laik wen lamp lait a shain pan yu.”

Luuk 11:36 ပူးပေါင်းရင်းမြစ်များ

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Jiemz 1:25

Bot ef nobadi tek a gud luk iina di Laa we rait iina evri wie, an wa set piipl frii, ef im gwaan du wa it se an no figet it — a im a-go get bles.

Iibruu 5:14

Bot aad fuud a fi big piipl kaaz dem chrien demself fi nuo wa rait fram rang, so dem nuo ou fi luk pan tingz.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Matyu 13:52

Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”

Matyu 5:15

Nobadi no lait lamp an kova it op anda wan boul — nuo sa! Lamp pudong we it kyan lait op di uol ous.

Luuk 11:35

Mek shuor di lait we iina yu a riili lait.

Luuk 11:37

Afta Jiizas don taak, wan Farisii invait im a im yaad fi kom nyam wid im. So Jiizas go wid im an wen im riich im sidong a di tiebl.