Luuk 11:29 - Di Jamiekan Nyuu Testiment

²⁹ Wen muor an muor piipl staat fi kroud roun Jiizas, im se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona.

Luuk 11:29 ပူးပေါင်းရင်းမြစ်များ

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Luuk 11:16

Som ada piipl iina di kroud did waahn fi tes Jiizas fi si ef a riili Gad sen im. So dem aks im fi wan sain fi pruuv se a Gad sen im.

Luuk 11:50

Di piipl dem fram da taim ya afi go ansa fi aal a di blod a di prafit dem we dem kil fram di worl staat;

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.

Luuk 9:41

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi fi tan ya wid unu, an put op wid unu? Kyari yu bwai kom,” im se tu di man.

Jan 2:18

So di Juu liida dem aks im se, “Wa kain-a mirikl yu kyan wok fi wi? Wa kain-a sain yu kyan gi fi shuo wi se yu av di rait fi du aal a dem sitn ya?”

Jan 6:30

So, dem aks im se, “Wa kain-a powaful mirikl yu gweehn du fi wi so wi kyan si'it an biliiv iina yu? Wa yu a-go du?

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

1 Korintiyan 1:22

Di Juu dem a luk fi mirikl wok bifuo dem biliiv an di piipl dem we a no Juu, dem naa go biliiv ef di mesij we a priich no soun waiz tu dem.