Luuk 11:19 - Di Jamiekan Nyuu Testiment

¹⁹ Nou, ef a Belzibob gi mi powa fi ron out diiman, den a uu gi fu'unu piipl powa fi ron dem out? Unu uona piipl a-go se unu rang bout mi.

Luuk 11:19 ပူးပေါင်းရင်းမြစ်များ

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Luuk 19:22

“Im maasta se, ‘Mi wi tek yu uona wod dem joj yu, yu woklis sorvant! Duo yu se mi a wan aad man we tek out wa mi no put iin, an riip wa mi no plaant?

Luuk 9:49

“Laad,” Jan se, “Wi si wan man a yuuz yu niem ron out diiman outa piipl an wi chrai fi tap im, kaaz im a no wan a wi.”

Aks 19:13

An yu did av som Juu we did a go roun an a chrai fi aada diiman fi kom outa piipl. Dem did a yuuz di Laad Jiizas niem fi du it, so dem wuda se, “Iina di niem a Jiizas Krais we Paal priich, mi a aada yu fi kum outa da sumadi ya.”

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.