Luuk 11:13 - Di Jamiekan Nyuu Testiment

¹³ Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Luuk 11:13 ပူးပေါင်းရင်းမြစ်များ

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

Matyu 5:45

Wen unu du dat, unu wi komiin jos laik unu Faada we de a evn. Yu si ou im mek di son raiz op an shain pan wikid piipl an gud piipl? An a siem so im mek rien faal pan piipl we du wa rait iina im yai an di wan dem we no lisn wa im se.

Matyu 6:14

Kaaz ef unu paadn piipl we du unu rang, unu Faada we iina evn wi paadn unu tu.

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Matyu 6:32

Kaaz a di piipl dem we no nuo Gad kip aan a tingk bout dem sitn de. Fu'unu Faada nuo se unu kyaahn du widout dem.

Matyu 7:11

Ef unu so wikid an stil nuo ou fi gi unu pikni nais sitn, unu no tingk se unu Faada we iina evn wi gi beta sitn tu di piipl dem we aks im fi sopm!

Luuk 11:12

Ar wich wan a unu wi gi unu pikni skaapiyan, wen dem aks fi eg?

Luuk 11:2

Jiizas tel dem se, “Wen unu prie, unu fi se: “ ‘Faada, mek piipl av nof rispek fi yu an yu niem, Mek di taim kom wen yu ruul iina evri wie.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Ruoman 5:17

A chuu se siek-a wan man sin, evribadi did afi ded, bot yu si wa apm siek-a wa Jiizas Krais did du, dat moch moch muor powaful dan we Adam did kaaz. Siek-a wa Jiizas du, Gad shuo wi lov iivn duo wi neva dizorv it. Gad put tingz rait bitwiin im an piipl siek-a wa Jiizas did du an evribadi we Gad mek tingz rait wid a-go ruul wid Jiizas wen dem riich a evn.

Ruoman 7:18

Mi nuo se notn gud no de iina a mi, mi badi naa go mek mi du we rait. Kaaz mi waahn fi du we gud bot mi kyaahn du it.

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.