Luuk 10:41 - Di Jamiekan Nyuu Testiment

⁴¹ Di Laad ansa ar se, “Maata, Maata, yu a bada bada yuself bout uol iip a sitn,

Luuk 10:41 ပူးပေါင်းရင်းမြစ်များ

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Luuk 10:38

Wen Jiizas an im speshal falara dem did a chravl go a Jeruusilem, dem waak chuu wan dischrik we wan uman niem Maata did liv. Wen Maata si dem, shi tek dem iina ar ous.

Luuk 10:40

Bot Maata, shi did a ron roun a du aal we shi niid fi du fi mek ar ges dem aarait. Shi go tu Jiizas an aks im se, “Laad, yu no si ou mi sista lef mi wan fi du aal a di wok? Yu no kier? Tel ar fi kom elp mi no!”

Luuk 12:22

So Jiizas tel im speshal falara dem se: “No bada fret bout unu laif, a wori op unuself bout wa unu a-go iit, ar wa unu a-go wier.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Jan 11:1

Nou, yu did av wan sik man niem Lazaros. Lazaros did liv a Betani, di sed plies Mieri an ar sista, Maata, did liv.

Jan 11:5

(Nou Jiizas did lov Maata, ar sista an Lazaros.)

Jan 12:2

So dem chuo big nyaminz fi im de. Maata did a sorv, an Lazaros did de de wid di wan dem we did a sidong wid Jiizas roun di tiebl.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.