Luuk 10:39 - Di Jamiekan Nyuu Testiment

³⁹ Nou, Maata did av wan sista niem Mieri. Fram Jiizas riich a di ous, Mieri go sidong a im fut an no muuv. Shi sidong a lisn aal we im av fi se.

Luuk 10:39 ပူးပေါင်းရင်းမြစ်များ

Luuk 8:35

So di piipl dem go fi si a wa did apm. Wen dem riich wich paat Jiizas did de, dem si di man we Jiizas ron di diiman dem outa. Im did a sidong a Jiizas fut, im did av aan kluoz an iina im rait main. An di piipl dem kech dem fried.

Jan 12:3

Mieri den nou tek wan bakl wid twelv paint a dier porfyuum ail we mek outa riil naad. Shi tek taim chuo it out pan Jiizas fut dem an den shi waip dem aaf wid ar ier. (An di porfyuum did sumel op iina di ous chrang chrang.)

Aks 22:3

“Mi a wan Juu. Mi baan iina Taasos we de iina Silisiya, bot mi gruo op rait ya-so iina Jeruusilem. Fi mi tiicha a did Gyamieliyel, an im tiich mi fi fala di Laa we Gad gi fi wi faada faada dem, aad aad. An siem laik ou unu siiros bout Gad, a siem so mi did wel siiros tu.

Luuk 2:46

Chrii die paas bifuo dem fain Jiizas iina Gad ous, sidong wid di tiicha dem, a lisn tu dem, an a aks dem kwestiyan.

Jan 11:1

Nou, yu did av wan sik man niem Lazaros. Lazaros did liv a Betani, di sed plies Mieri an ar sista, Maata, did liv.

Luuk 10:42

bot a onggl wan sitn yu fi bada yuself bout. Mieri mek op ar main fi pik da wan de an nobadi naa go tap ar.”

Jan 11:19

an nof a di Juu dem we kom fram Jeruusilem said did kom fi osh Maata an Mieri an mek dem fiil beta kaa dem breda did ded.)