Luuk 10:29 - Di Jamiekan Nyuu Testiment

²⁹ Fi mek imself fiil gud di man aks Jiizas wan neks kwestiyan, “So, a uu a mi nieba?”

Luuk 10:29 ပူးပေါင်းရင်းမြစ်များ

Maak 8:34

Den Jiizas kaal di kroud a piipl an im falara dem an se tu dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas, an fala mi.

Luuk 10:36

Den Jiizas aks di Laa tiicha se, “Yu si di man we di tiif dem biit op, wich wan a di chrii piipl dem yu tingk a did im nieba?”

Luuk 16:15

Jiizas se tu dem se, “Unu aalwiez mek unuself luk gud tu ada piipl, bot Gad nuo unu aat. Yu si aal dem sitn we piipl lov, Gad naa no yuus fi dem.

Ruoman 10:3

Dem neva waahn fi andastan di wie Gad mek tingz rait bitwiin im an piipl, so dem go chrai fain dem uona wie fi mek tingz rait wid Gad; dem neva tek Gad wie fi mek tingz rait bitwiin im an dem.

Ruoman 4:2

Ef Gad did mek tingz rait bitwiin im an Iebriyam, kaaz a di sitn dem we Iebriyam did du, den Iebriyam wuda av nof fi buos bout, bot im kudn buos infronta Gad.

Gyalieshan 3:11

So unu mos kyan si klier klier nou se nobadi kyaahn mek tingz rait wid Gad jos chuu dem a fala di Laa. It aal rait dong se, “Di piipl dem we mek tingz rait wid Gad an we get dem sin tek we — dem a-go liv fi eva kaaz dem chos iina Gad.”

Jiemz 2:24

So unu si se Gad wi se sumadi a liv rait, no jos chuu dem se dem biliiv iina im, bot kaaz dem du wa im se dem fi du.