Luuk 10:28 - Di Jamiekan Nyuu Testiment

²⁸ Jiizas se tu im se, “Yu ansa rait. Du dat an yu wi liv.”

Luuk 10:28 ပူးပေါင်းရင်းမြစ်များ

Matyu 19:17

So Jiizas se tu im se, “A wa mek yu kom a aks mi bout wa gud? A onggl wan sumadi de bout we gud yu no. Bot ef yu waahn fi liv fi eva kip di Laa dem we Gad did gi Muoziz.

Maak 12:34

Wen Jiizas si se di man gi wan ansa we mek sens, im se tu im se, “Yu no de faar fram Gad kindom.” Afta dat nobadi els neva iivn tingk fi aks im no muo kwestiyan.

Luuk 7:43

Saiman ansa Jiizas se, “Mosi di wan we did uo im di muos.” “Yu rait,” Jiizas ansa im.

Ruoman 10:4

Bot Krais Jiizas mek it so dat wi no afi fala di Laa no muor; Gad wi mek tingz rait bitwiin im an enibadi we biliiv iina Krais Jiizas.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 7:10

an a dat mek mi ded. So mi did fain se di siem Laa we Gad sen we did fi kaaz mi fi liv, a it kaaz mi fi ded.

Gyalieshan 3:12

Bot yu no afi biliiv iina Gad fi fala di Laa, di Laa no av notn fi du wid dat. It rait dong iina Gad wod se, “Di wan dem we a fala di Laa an du evriting we di Laa se dem fi du — dem wi liv azkaadn tu ou di Laa se dem a-go liv.”