Luuk 1:75 - Di Jamiekan Nyuu Testiment

⁷⁵ So wi kyan liv wan gud an kliin laif til wi ded.

Luuk 1:75 ပူးပေါင်းရင်းမြစ်များ

Matyu 1:21

Shi a-go av wan bwai pikni an yu fi kaal im Jiizas, kaa im a-go siev im piipl dem fram dem sin.”

Luuk 1:74

fi siev wi fram dem we iet wi. So wi kyan du we im waahn wi fi du an no fried;

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 4:24

An unu lorn fi liv laik wan nyuu sumadi we Gad mek aal uova agen. Gad mek unu fi tan jos laik im — fi du wa rait an wa gud an kliin azkaadn tu di chuut.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

1 Tesaluoniyan 4:7

Kaaz Gad neehn kaal wi fi wi dabl iina seks sin, bot fi liv kliin.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.