Luuk 1:46 - Di Jamiekan Nyuu Testiment

⁴⁶ Mieri se: “Mi priez di Laad wid aal mi aat,

Luuk 1:46 ပူးပေါင်းရင်းမြစ်များ

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

1 Korintiyan 1:31

So, mek wi fala wa rait dong iina Gad wod, “Ef nobadi a-go buos bout notn, mek dem buos bout wa di Laad du fi dem.”

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 4:4

Unu fi eva api, kaaz unu an di Laad a wan! Mi a se it agen, unu fi api!

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!