Luuk 1:17 - Di Jamiekan Nyuu Testiment

¹⁷ Im a-go go bifuo Gad, wid di siem Spirit an powa laik wa Ilaija did av. Im aal a-go mek faada kom bak kom lov dem pikni. An di piipl dem we neva did a ier Gad, a-go staat tingk laik gud sumadi an du wa rait. An da wie de im a-go mek piipl redi fi di Laad.”

Luuk 1:17 ပူးပေါင်းရင်းမြစ်များ

Matyu 11:14

An ef unu redi fi tek we mi a se, den ier we mi a se, Jan a Ilaija, di prafit unu a wiet fa.

Matyu 14:4

Jan did tel Erad uova an uova se, “It no rait fi yu marid Eruodiyas — yu a brok di Laa.”

Matyu 3:3

A im Aizaiya, di prafit, did a taak bout wen im se: “Sumadi a shout iina di dezot, ‘Klier di wie fi di Laad kom chuu, mek di chrak we im fi waak pan chriet.’”

Matyu 3:4

Nou a kluoz we mek outa Kyamil ier Jan did wier, an im did av wan leda belt roun im wies. An fi im fuud a did graasapa an oni we im get outa di dezot.

Luuk 1:16

Im a-go bring bak uol iip a Izrel piipl tu di Laad, we a dem Gad.

Luuk 1:76

Mi pikni Jan, piipl a-go kaal yu wan prafit fi di Muos Ai, kaaz yu a-go gwaan bifuo im til im kom an get im piipl redi fi'im;

Jan 1:13

Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 3:28

Unu nuo fi unuself an kyan tel enibadi se mi did se, ‘Mi a no di Krais. Gad onggl sen mi kom bifuo im.’

Aks 10:33

So mi sen fi yu siem taim, an mi riili api se yu nais inof fi kom. Gad de ya wid wi an aal a wi wel waahn fi ier evriting we Gad tel yu fi tel wi.”

Ruoman 9:23

Gad tek taim wid dem kaaz im did waahn fi shuo dem ou big, brait an powaful im bi. Im did waahn dem, di piipl we im gud an kain tu, fi si se dem a-go ton laik im. Im did waahn dem, di piipl we im pik an get redi fram lang taim, fi si se im a-go mek dem ton laik im.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.