Koloshan 4:6 - Di Jamiekan Nyuu Testiment

⁶ Taak tu piipl nais, an mek dem waahn fi iina wa unu a se jos siek-a ou unu taak. Siizn op unu aagiment wid saalt, so dem waahn fi ier muo an muo bout wa unu a se. An unu fi nuo ou fi ansa evribadi tu.

Koloshan 4:6 ပူးပေါင်းရင်းမြစ်များ

Ifiijan 4:29

Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

Maak 9:50

“Saalt gud, bot ef di ties gaan, ou yu a-go mek it ties laik saalt agen? Mek di Gud Nyuuz komiin laik saalt mongks unu an kaaz unu fi liv iina piis wid wan aneda.”

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Matyu 5:13

“Unu a laik saalt fi di uol worl yu no. Bot ef di ties gaan outa di saalt, ou it fi ties bak laik saalt? It no wot notn nou. It fi jos dash we an tep tep op pan.

Luuk 4:22

Evribadi taak gud bout im an dem fraitn fi ier di nais sitn dem we im se. “Wiet! No Juozif bwai dis?” dem se.