Koloshan 4:18 - Di Jamiekan Nyuu Testiment

¹⁸ Dis a mi, Paal. Mi a rait an tel unu oudi wid mi uona an. Memba se mi chien op iina jiel. Mi prie se Gad wi lov unu iivn duo wi no dizorv it.

Koloshan 4:18 ပူးပေါင်းရင်းမြစ်များ

Iibruu 13:3

Unu fi memba di piipl dem we iina prizn, laik se unu iin de wid dem. An memba di piipl dem we a sofa tu, laik se a unu a sofa an a fiil di pien we dem a fiil.

2 Timoti 4:22

Mi prie se Gad wi tan wid yu an dat im wi shuo yu lov iivn duo wi no dizorv it.

1 Timoti 6:21

A da siem nalij de we kaaz nof a dem fi tap biliiv iina wa Gad tiich. Mi prie se Gad wi shuo unu lov iivn duo wi no dizorv it.

1 Korintiyan 16:21

Mi Paal a rait dong dem oudi ya wid mi uona an.

Iibruu 13:25

Mi prie se Gad lov, we non a wi no dizorv, wi tan wid unu.

Taitos 3:15

Evribadi we de ya wid mi sen dem lov. Tel aal a Gad piipl we de dong de wid yu, oudi! Mi prie se Gad wi shuo unu lov iivn duo wi no dizorv it.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

2 Tesaluoniyan 3:17

Dis a mi, Paal. Mi a rait dem wod ya wid mi uona an fi shuo unu se da leta ya a fram mi. A so mi rait aal a mi leta dem.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

Ruoman 16:23

Gaiyos uu mi a stie wid an iina uufa yaad dem kip choch, sen oudi fi unu. Irastos we kip di moni fi di siti an wi breda Kwaatos sen oudi fi unu tu.

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

Ruoman 16:22

An mi, Torshiiyos we bilang tu Gad an we a rait dong da leta ya fi breda Paal, a sen oudi fi unu tu.