Koloshan 4:12 - Di Jamiekan Nyuu Testiment

¹² Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Koloshan 4:12 ပူးပေါင်းရင်းမြစ်များ

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Luuk 1:1

Tiyafilas Sa, Uol iip a piipl chrai fi rait dong di sitn dem wa apm mongks wi.

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Ruoman 15:14

Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

Ruoman 15:30

Kaaz aal a wi biliiv iina Jiizas Krais, an siek-a di lov we di Uoli Spirit gi wi, mi a beg unu breda an sista fi prie tu Gad fi mi. Kom prie wid mi an prie aad aad.

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

1 Korintiyan 2:6

Nou iivn duo mi no yuuz no big fansi wod, di piipl dem we biliiv iina Gad nof nof, dem tingk se di mesij we mi priich waiz. It no waiz kaaz a sopm we som sumaat piipl tingk op. An it no waiz kaaz di ruula dem we de bout nou an we a-go luuz dem powa an ded, tingk se it waiz.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.

Koloshan 1:22

Bot nou Gad mek unu im fren siek-a wa apm tu im Bwai Pikni. Im mek im Bwai Pikni ded so unu kuda get gud an kliin, widout no maak ar no sin, an unu no afi fiil gilti, an im naa go bliem unu fi notn wen unu kom infronta im.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Koloshan 1:7

Dis a di sed sitn unu lorn fram wi breda Epafras. Wi lov im. Im sorv Krais Jiizas, jos laik wi, an im wok gud tu. Im wok fi Jiizas no mata wa, an wen im du dat im elp wi.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 4:9

Im a kom wid Oniisimos, wi gud gud breda we wi lov tu, an we eva chos iina Gad. Im a wan a unu. Di tuu a dem wi mek unu nuo wa a gwaan uova ya-so.

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

Failiiman 1:23

Epafras we iina prizn jos laka mi kaaz im tiich bout Jiizas, sen oudi fi yu.

Iibruu 5:14

Bot aad fuud a fi big piipl kaaz dem chrien demself fi nuo wa rait fram rang, so dem nuo ou fi luk pan tingz.

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

Jiemz 1:4

Unu fi gwaan uol aan chrang no mata wa apm an chos iina Gad so unu kyan bi aal we Gad waahn unu fi bi, an so unu wi no shaat a notn.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.