Koloshan 3:25 - Di Jamiekan Nyuu Testiment

²⁵ Az fi di wan dem we du rang, Gad a-go gi dem bak sitn fi aal a di rang we dem du. Im no kier a uu dem.

Koloshan 3:25 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Luuk 20:21

Di infaama dem kwestiyan Jiizas, “Tiicha, wi nuo se yu taak an tiich wa rait. Yu no paashal, bot yu tiich di rait sitn bout wa Gad waahn.

Aks 10:34

Den Piita staat taak tu dem. Im se, “Nou mi riili andastan se Gad no paashal,

Ruoman 2:11

Kaaz Gad no paashal, im chriit evribadi di siem.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

Ifiijan 6:8

Memba se Gad gweehn pie evribadi fi we dem du, sliev ar no sliev.

Ifiijan 6:9

An aal a unu we av sliev, unu fi chriit unu sliev dem gud. Unu no fi chretn dem, kaa memba se unu an unu sliev av di siem maasta iina evn, an im no paashal wid nobadi.

Koloshan 4:1

Az fi unu we uon sliev, unu fi chriit unu sliev rait an unu fi chriit dem fier. Kaaz unu nuo se unu av wan maasta iina evn tu.

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

2 Tesaluoniyan 1:6

An sins Gad fier, di piipl dem we kaaz unu fi sofa, im a-go mek dem sofa tu.

Failiiman 1:18

Ef im did du notn rang tu yu ar im uo yu, mi wi tek kier a it.

Iibruu 2:2

Kaaz ef di mesij we di ienjel dem did gi, ton out chuu, an ef aal a di piipl dem we du rang, an dem we neva lisn, did get ponish laik ou dem fi get ponish,

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.