Koloshan 3:20 - Di Jamiekan Nyuu Testiment

²⁰ Pikni, unu fi ier wa unu mada an faada se unu fi du, kaaz a dat di Laad lov.

Koloshan 3:20 ပူးပေါင်းရင်းမြစ်များ

Matyu 19:19

rispek yu faada an mada’ an ‘Lov yu nieba siem laik ou yu lov yuself.’”

Ifiijan 5:24

Siem laik ou di piipl dem we mek op di choch ombl demself an du we Krais Jiizas se dem fi du, a siem so di uman dem fi ombl demself an du we dem ozban waahn dem fi du.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 3:22

An sliev, unu maasta dem we de ya pan ort, unu fi lisn dem an du aal we dem se unu fi du. An no du dat onggl wen dem a wach unu ar jos kaaz unu waahn fi mek piipl api wid unu. Nuo! Unu fi riili lisn wa dem se an du wa dem se unu fi du ef dem a wach ar ef dem naa wach. Unu fi du dat kaaz unu a du wa rait iina unu aat an unu rispek Gad.

Taitos 2:9

Tiich di sliev dem fi lisn an fala wa dem maasta se aal di taim. Dem fi du dem bes fi mek dem maasta api iina aal we dem du. Tel di sliev dem no fi bak ansa dem maasta niida,

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.