Koloshan 3:19 - Di Jamiekan Nyuu Testiment

¹⁹ Di ozban dem, unu fi lov unu waif; no chriit dem bad an gwaan laik se dem a unu sliev.

Koloshan 3:19 ပူးပေါင်းရင်းမြစ်များ

Luuk 14:26

“Ef sumadi kom tu mi an no lov mi muo dan ou dem lov dem faada an mada, waif an pikni, breda an sista, iivn dem uona laif, dem kyaahn fala mi.

Ruoman 3:14

Dem eva a kos an a wish bad tingz pan piipl, an evriting wa dem se shuo se dem bita.”

Ifiijan 4:31

Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

Ifiijan 5:25

Nou, di ozban dem fi lov dem waif siem laik ou Krais Jiizas lov di choch an ded pan di kraas fi it.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

Koloshan 3:21

Aal a unu we a faada an mada, unu no fi faas faas wid unu pikni dem an se pie bad sitn bout aal a we dem du. Dat wi mek dem aat jrap an mek dem no waahn fi du notn at aal.

Jiemz 3:14

Bot ef unu aat bita, an unu bad main an onggl a fait fi av unu uona wie, no bada buos bout unuself an ton we fram di chuut, kaaz wen unu du dat unu a mek di chuut luk laik se a lai.

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.