Koloshan 3:18 - Di Jamiekan Nyuu Testiment

¹⁸ Aal unu we a waif, unu fi lisn unu ozban, rispek im an nuo se a im inchaaj, kaaz a dat di Laad waahn unu fi du.

Koloshan 3:18 ပူးပေါင်းရင်းမြစ်များ

Aks 5:29

Bot Piita an di ada apasl dem se tu dem se, “Wi afi du we Gad se wi fi du, bot wi no afi du wa piipl se wi fi du.

1 Korintiyan 11:3

Bot mi waahn unu fi andastan se Krais, im a di ed fi evri man, evri ozban a di ed fi im waif, an Gad a di ed fi Krais.

1 Korintiyan 14:34

Di uman dem no fi taak wen choch a kip, an dem no fi inchaaj niida, a so di Laa se.

Ifiijan 5:22

Di uman dem we av ozban mos ombl demself an du we dem ozban se dem fi du jos laik ou dem wuda ombl demself an du we Krais Jiizas se dem fi du.

Ifiijan 5:3

Unu a Gad speshal piipl. So non a unu no fi get miks op iina naasi laif laik: man a sliip wid uman we a no im waif, man a sliip wid man, ar uman wid uman. Unu no fi waahnti-waahnti niida. Dem de sitn de no fi de mongks Gad piipl at aal at aal.

Ifiijan 5:9

(kaaz di sitn dem we kom fram di lait, a onggl wa gud, rait an chuu).

1 Timoti 2:12

Uman mos kwaiyat demself, mi no lou dem fi tiich iina choch ar fi ruul uova man.