Koloshan 3:16 - Di Jamiekan Nyuu Testiment

¹⁶ An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Koloshan 3:16 ပူးပေါင်းရင်းမြစ်များ

Matyu 26:30

Afta dem sing wan im don, dem lef go a Mount Aliv.

Luuk 2:51

Afta dat Jiizas go bak uom a Nazaret wid dem an im du evriting dem tel im fi du. An im mada kip aal a dem sitn de iina ar aat.

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

Ruoman 15:14

Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

1 Korintiyan 14:15

So wa mi fi du den? Wa mi fi du a mek mi spirit prie bot prie wid mi ed tu an tingk bout wa mi a se. An wen mi a sing priez tu Gad, mi wi sing wid mi spirit an sing wid mi main tu an tingk bout wa mi a sing se.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Ifiijan 5:19

Da wie de, wen unu a taak tu wan aneda, unu kyan yuuz saamz, sing som im, an sing di sang dem we di Spirit gi unu. Unu wi kyan sing an mek myuuzik bobl iina unu aat an priez di Laad.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 4:6

Taak tu piipl nais, an mek dem waahn fi iina wa unu a se jos siek-a ou unu taak. Siizn op unu aagiment wid saalt, so dem waahn fi ier muo an muo bout wa unu a se. An unu fi nuo ou fi ansa evribadi tu.

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

2 Tesaluoniyan 3:15

Bot no chriit dem laik se dem a unu enimi, nuo man. Bot waan dem laik ou unu wuda waan unu uona breda an sista we biliiv iina Jiizas.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

2 Timoti 3:15

Fram yu a likl pikni yu nuo Gad wod we kuda mek yu waiz inof fi biliiv iina Jiizas Krais an mek im siev yu.

Taitos 3:6

Gad sen Jiizas Krais wi sievya, an mek im gi wi di Uoli Spirit.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

Jiemz 5:13

Ef non a unu a sofa an av prablem, unu fi prie. Ef non a unu api, unu fi sing an priez Gad.

1 Jan 2:14

Likl pikni, mi did rait unu, kaaz unu nuo di Faada. Mi did rait unu uolda piipl, kaaz unu nuo di wan we de bout fram wie bak wen. Yong piipl mi did rait unu, kaaz unu chrang. Gad mesij de iina unu aat, kaaz unu biit di Wikid wan aredi.

1 Jan 2:24

Eng aan pan di chuu mesij we unu get fram di staat. Ef unu du dat, unu wi stie kluos tu di Bwai Pikni an im Faada tu.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

2 Jan 1:2

kaaz wi av di chuut iina wi an it a-go tan iina wi fi eva.

Revilieshan 14:3

An dem sing wan nyuu sang infronta di chuon an infronta di fuo laiv wail animal an di elda dem. Nobadi kudn lorn di sang, onggl di 144,000 we Gad did siev.

Revilieshan 15:3

An dem did a sing di sang we Muoziz, Gad sorvant, sing an di sang wa di Biebi Shiip sing: “Laad Gad yu powaful an evriting wa yu du powaful. Yu a King fi aal a di konchri dem iina di worl, an evriting wa yu du an se a chuu.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.